Sajak Sunda - Cinta

CINTA

Ku : De Shandy

Jungjunan

Saéstuna rasa nu mana

Rék kaula sumput salindungkeun

Na kanyaah jeung kaasih andika?

Kapan jangji tinulis

Mangsa hiji kapastian

Sagala cinta nu andika

Keur andika

Tan aya pangawasa kula

Keur nogéncang kanu lian

Panutan

Naha cirri nu mana

Geus jadi pamatri nu pasini

Moal cacah ku mangsa carita

Diri nu kasélér-sélér

Nangtukeun tékad lampah diri

Semet dipulas ku curulukna cimata

Cinta kiwari, eulis

Kari mangsi pulas dina ati

Tinggal warna carita rasa

Ukur bisa jadi pamépés sukma

Raga kadar nu katalangsara

Read More

Sajak Sunda - Lalaki Di Tegal Pati

LALAKI DI TEGAL PATI

Ku :  De Shandy

Saha,

Lalakina nu ngabadega

Di tegal pati?

Cenah lalaki getih siliwangi

Suka nginum darah jurit

Suka dahar bayah perang

Lalaki langit lalanang jagat

Ladang ngasruk lawang sumenem jati

Ngarajah sagara pitu lodra

; Aing lalaki seuweu sunda

  Pantrang nyeri ku kasedih

  Pantrang lara ku tunggara

  Sasat najan ratu ombak sagara

  Ngaraksa raga balangsak

  Harepan tandon aing dada waja

  Seja bela ka nagara

Aing lalaki nu di tegal pati

Meulah bumi ngaruntagkeun jagat

Mapay aras’sy nyingraykeun samagaha

Read More

Sajak Sunda - Panineungan Jati Gede

PANINEUNGAN  JATI  GEDE

Ku : De Shandy

(Dangdagula)

Tungtung peuting muru ka janari

Bet sok terus aya nu ngolébat

Mawa rasa kasono

Bari salira nyegruk

Balilihan medal citangis

Karasa meupeuskeun sukma

Turut hirup nguyung

Kajeun baé korban rasa

Tibatan jangji kedah sulaya kata

Mending pasrah sumerah

Ning wanci miris ngikis jaladri

Kandeg léngkah teu kebat lumampah

Implengan peunggas lalakon

Ukur nyuuh ka waktu

Muntang rasa ka mangsa

Lain kudu tunduk

Ngagantung dina carita

Antara pikiran jeung rarasaan

Nangtukeun kaayaan

Leuwi lain nu jadi ciri

Sawah-sawah nu tinggal carita

Panjang lebak Cimanuk

Lain lambang teu kawawa

Meulakkeunna situs

Ngarawat warisan

Ukur tuturus tunggul miang na ati

Mulangkeun panineungan

Read More